Изјава за приватност

Оваа Изјава за приватност е главната политика за обработка на лични податоци преку веб страницата kontext.mk и се однесува на податоците собрани при аплицирање за студентска работа, краткорочна работа (KKB) и/или долгорочно вработување во Германија, при пријава за USA програмите, при контакт, закажување термин и користење на CV генераторот.

1. Начела на заштита

Агенцијата обезбедува дека вашите лични податоци се: обработуваат согласно закон, транспарентно и правично; собирани само за конкретни и легитимни цели; минимални, точни и ажурирани; чувани не подолго од потребното; обработени со соодветни мерки за безбедност.

2. Идентитет на контролорот

ПАВ Контекст Вработување Скопје (PAV KONTEXT VRABOTUVANJE Skopje), застапувана од Aleksandra Bozhinovska, ул. Митрополит Теодосиј Гологанов бр. 28, лок. 4, 1000 Скопје, Северна Македонија, ЕМБС: 7119038, ЕДБ: 4080016558115. Е-пошта: vrabotuvanje@kontext.mk.

Административните услуги за кандидати (поврат на данок, виза, преводи, осигурување, нострификација) ги обезбедува одделниот давател Друштво за едукација и преводи КОНТЕКСТ ОБРАЗОВАНИЕ ДООЕЛ Скопје (ЕМБС 7124643, ЕДБ 4038016510981, Митрополит Теодосиј Гологанов бр. 28-29, Скопје – Центар), obrazovanie@kontext.mk. Податоците за тие услуги ги обработува тој давател.

3. Офицер за заштита на лични податоци

Офицер за заштита на лични податоци: Ристе Божиновски · тел: +389 78 274 420 · contact@kontext.mk. Барањата примени преку овој канал се проследуваат до офицерот. Името на офицерот не го заменува контролорот наведен погоре.

4. Цели на обработката

• Посредување при вработување за студентска работа во Германија
• Посредување при вработување за краткорочна контингентирана работа (KKB) во Германија
• Посредување при вработување за долгорочно вработување во Германија
• Склучување на договор за посредување со секој корисник
• Поддршка при подготовка на документацијата за потребните одобренија, визи и дозволи за престој — одлуката ја носи надлежниот орган; Контекст не издава дозволи
• Пријава и организација на USA програмите (Work and Travel, Intern / Trainee) преку американскиот спонзор
• Одговор на барања преку контактни форми, закажување термини и испраќање CV преку CV генераторот

5. Правна основа

Обработката се врши врз основа на: дадена согласност на субјектот; исполнување на договор; исполнување на законска обврска (ЗРО, Закон за вработување и работа на странци и др.).

6. Пренос во трета земја

Вашите лични податоци кои се собираат за потребите на посредување се пренесуваат до соодветниот работодавач во Германија (земја-членка на ЕУ) и, кога е потребно за постапката, до надлежните институции (на пр. Bundesagentur für Arbeit, германско дипломатско-конзуларно претставништво). За USA програмите податоците се доставуваат до американскиот спонзор назначен од US Department of State. Агенцијата ја известува АЗЛП за преносот согласно член 48 од ЗЗЛП.

6а. Веб страница и надворешни услуги

На страниците со формулар се користи Google reCAPTCHA v3 за заштита од спам. Мапите (Google Maps) се вчитуваат само откако ќе дадете согласност во известувањето за колачиња или ќе кликнете „Вчитај мапа“. Фонтовите се хостираат на нашиот сервер. Не користиме аналитички или маркетиншки колачиња. Изборот за колачиња може да се промени во секое време преку „Поставки за колачиња“ во подножјето.

7. Рокови на чување

• Посредување за работа во Германија: 1 година од реализирање
• Договорни податоци: 5 години од реализирање на договорот

8. Ваши права

Право на пристап, исправка, бришење, ограничување, приговор, преносливост и право да не бидете предмет на автоматизирано одлучување.

9. Повлекување на согласност

Согласноста може да се повлече во секое време — без влијание врз законитоста на претходната обработка.