Траење
Според категоријата
и одобрениот план DS-7002
Виза
J-1 виза
Одлуката ја носи конзуларниот орган
За кого
Студенти и млади проф.
Зависно од типот на пракса
Спонзор
DGE
Назначен спонзор — категоријата се потврдува
за програмата
Што е Internship / Trainee USA?
Internship е наменет за лица кои студираат во соодветна установа надвор од САД или дипломирале најмногу 12 месеци пред почетокот на програмата. За Trainee е потребна соодветна диплома или професионална квалификација и најмалку една година поврзано искуство надвор од САД, или пет години такво искуство. Програмата се реализира според одобрен Training/Internship Placement Plan DS-7002 и не претставува замена за редовно вработување.
За разлика од Work and Travel USA каде акцентот е на сезонска работа и патување, Internship / Trainee е ориентирана кон професионален развој и стекнување конкретни вештини во одредена индустрија или струка. Програмата е идеална за оние кои сакаат меѓународно искуство во своето поле на студирање или работа.
Наш партнер: Dynamic Global Exchange (DGE)
Американскиот спонзор назначен од US Department of State ги обезбедува програмските документи, вклучувајќи го DS-2019 и планот DS-7002. Кандидатот поднесува барање за J-1 виза, а одлуката ја носи надлежниот американски конзуларен орган. Контекст помага во подготовката и организацијата на постапката. Назначувањето на спонзорот се проверува за секоја категорија одделно.
споредба
Intern наспроти Trainee — која е разликата?
| Карактеристика |
Internship |
Trainee |
| За кого | Студенти во установа надвор од САД или дипломирани најмногу 12 месеци пред почетокот на програмата | Диплома/професионален сертификат + 1 година поврзано искуство надвор од САД, или 5 години искуство |
| Траење | До 12 месеци | По правило до 18 месеци; Hospitality and Tourism до 12 |
| Фокус | Академска поврзаност со студиите | Професионален развој во струката |
| План | DS-7002, најмалку 32 часа неделно | DS-7002, најмалку 32 часа неделно |
| Виза | J-1 Intern | J-1 Trainee |
| Работодавач | Компании кои примаат практиканти | Компании кои нудат структуриран тренинг |
области на пракса
Во кои области може да аплицираш?
Hospitality Internship
Пракса во хотели и ресторани — рецепција, услуга, менаџмент. Идеално за студенти по туризам и угостителство.
Management Training
Структуриран тренинг во менаџмент — операции, HR, маркетинг. За млади професионалци со искуство.
Culinary Internship
Пракса во кујна кај американски ресторани и хотели. Идеално за студенти по кулинарство.
Non-Hospitality Internship
Пракса во IT, маркетинг, инженеринг, финансии и други области. Зависно од профилот и достапноста.
Понудите зависат од профилот на кандидатот, јазичното ниво и достапните позиции. Контактирајте нè за актуелни можности.
услови
Кој може да аплицира?
Intern: За лица кои редовно студираат во соодветна постсредна образовна установа надвор од САД или дипломирале од таква установа најмногу 12 месеци пред почетокот на програмата. Праксата е поврзана со областа на студирање.
Trainee: Потребна е соодветна диплома или професионален сертификат од постсредна образовна установа надвор од САД и најмалку една година поврзано работно искуство надвор од САД, или најмалку пет години такво искуство во соодветната област.
Траење: Intern до 12 месеци. Trainee по правило до 18 месеци, зависно од областа и одобрената програма. За Hospitality and Tourism максималното траење е 12 месеци.
План: Програмата се реализира според индивидуален план DS-7002, со структурирана пракса или обука од најмалку 32 часа неделно и соодветен надзор. Надоместокот и другите услови се наведуваат во одобрената понуда.
За двете категории спонзорот го проверува англискиот јазик и исполнувањето на програмските услови.
процес
Како функционира?
1
Кратка апликација и консултација
Пополнуваш кратка форма. Тимот на Контекст те контактира и разговараме за профилот, искуството и областа на пракса.
2
Подготовка на CV и документи
Подготвуваш CV на англиски јазик. Контекст го насочува процесот и комуникацијата со DGE.
→ Генерирај CV
3
Поврзување со работодавач
Се бара соодветен американски домаќин; може да следи онлајн интервју. Со домаќинот се подготвува планот DS-7002.
4
Подготовка на документација и аплицирање за J-1 виза
Спонзорот го издава DS-2019 врз основа на одобрениот DS-7002. Закажуваш термин и поднесуваш барање за J-1 виза во Амбасадата на САД; одлуката ја носи конзуларниот орган.
5
Заминување и пракса
По добиена виза, заминуваш во САД и го започнуваш практичното искуство. DGE и Контекст се достапни за поддршка.
прашања
Често поставувани прашања
Која е разликата меѓу Internship и Work and Travel USA?
Work and Travel е сезонска работа за студенти со акцент на патување и искуство. Internship / Trainee е програма ориентирана кон професионален развој — пракса во конкретна индустрија, поврзана со студиите или работното искуство. Траењето е според категоријата и поврзано со одобрениот план DS-7002.
Дали е потребно работно искуство?
За Intern — не е задолжително, но праксата мора да е поврзана со областа на студирање, а студиите или дипломирањето во последните 12 месеци се проверуваат во однос на почетокот на програмата. За Trainee — една година искуство сама по себе не е доволна: потребна е соодветна диплома или професионален сертификат од странска постсредна установа и најмалку една година поврзано искуство надвор од САД, или пет години такво искуство.
Колку добро треба да знам англиски?
Спонзорот го проверува англискиот јазик за двете категории. Целата работа и комуникацијата со домаќинот се на англиски, па потребно е соодветно ниво за конкретниот план.
Колку чини програмата?
Internship / Trainee USA е платена програма. Контактирајте нè за актуелната програмска такса и преглед на трошоците.
Задолжителното здравствено осигурување се организира во рамките на програмата. Осигурителната премија се прикажува како посебна ставка во писмената понуда, според траењето и важечките услови. Пред пријавувањето добивате целосен преглед на програмската такса, осигурувањето, другите трошоци и условите за откажување и поврат.
Дополнителното осигурување за откажување или прекин на патувањето е одделно од здравственото осигурување. Сместувањето може да биде организирано со помош на работодавачот или спонзорот; цената, депозитот и условите се наведуваат во конкретната понуда.
Дали има надоместок за праксата?
Надоместокот зависи од домаќинот и одобрениот план. Позиција се прикажува како платена само кога надоместокот е конкретно потврден во понудата.
J-1 виза · BridgeUSA Intern / Trainee
BIH
GER