Траење
До 8 месеци
Во период од 12 месеци
Повторување
По проверка
Повторно учество по проверка и одобрение
Плата
од 14,60 €/час
Од 01.01.2027 законски минимум; важи и тарифниот договор
Одобрение
BA + контингент
Постапката зависи од државјанството и престојот
за програмата
Што е краткорочна работа (KKB)?
Краткорочната контингентирана работа според §15d BeschV (Kurzzeitige kontingentierte Beschäftigung) овозможува ограничен работен ангажман во Германија за кандидати од земји надвор од ЕУ. Работодавачот мора да биде обврзан со применлив колективен договор и да ги почитува неговите услови. Вработувањето е со социјално осигурување и редовно најмалку 30 часа неделно, со потребното одобрение од BA и расположлив контингент.
Работниот ангажман може да трае до 8 месеци во период од 12 месеци. Повторно учество е можно ако повторно се исполнети условите и е добиено потребното одобрение. Враќањето кај ист или друг работодавач не е автоматски загарантирано.
Тековниот општ контингент за KKB е 25.000 одобренија годишно, одделно од квотата за Westbalkanregelung. Програмата се разликува од студентската работа и од посебните земјоделски сезонски програми.
Контекст им помага на кандидатите во целиот процес — информирање, проверка на услови, подготовка на документација, комуникација со работодавачот и насоки за легално започнување со работа.
за работодавачите
Директно вработување кај работодавачот
Работниот договор се склучува директно со работодавачот. KKB не дозволува отстапување работници преку агенција за привремено вработување (Arbeitnehmerüberlassung / Leiharbeit). Контекст посредува при изборот и подготовката на кандидатите.
За работникот важи најмногу 8 месеци вработување во 12 месеци. Посебното ограничување за користење KKB во конкретната работна единица (Einsatzbetrieb) е најмногу 10 месеци во 12 месеци (§15d став 2 BeschV). Овие два лимита имаат различен предмет и се проверуваат при планирањето.
споредба
Разлика од студентска работа
| Карактеристика |
Краткорочна работа (KKB) |
Студентска работа |
| Правна основа | §15d BeschV | §14 став 2 BeschV (Ferienbeschäftigung) |
| Кој може | Кандидати од земји надвор од ЕУ, кај тарифно обврзан работодавач | Само редовни студенти, 18–35 години |
| Траење | До 8 месеци во 12 месеци | До 90 дена во 12 месеци, во распуст |
| Повторување | По повторна проверка и одобрение | Во следниот распуст, по нова BA/ZAV потврда |
| Одобрение | BA одобрение и контингент; виза според државјанство и престој | Bestätigung der Ferienbeschäftigung од BA/ZAV |
| Придонеси | Вработување со социјално осигурување | Без редовни социјални придонеси само ако се исполнети условите за краткорочно вработување |
| Превоз | Патните трошоци за одење и враќање ги покрива работодавачот | Според конкретната понуда |
| Плата | Од 14,60 €/час (од 01.01.2027) и тарифните услови | Од 14,60 €/час (од 01.01.2027) |
| Посредување | Бесплатно за кандидатот | Бесплатно за студентот |
финансии
Плата и придонеси
Плата: Законската минимална плата во Германија во 2026 изнесува 13,90 € бруто на час, а од 01.01.2027 изнесува 14,60 € бруто на час. За KKB се применуваат и задолжителните услови од соодветниот колективен договор, кои може да предвидуваат повисока плата. Точниот износ е наведен во работната понуда.
Придонеси: KKB е вработување со социјално осигурување. Кај студентската работа ослободувањето од редовните германски социјални придонеси важи само ако се исполнети условите за краткорочно вработување. Данокот и нето платата се утврдуваат индивидуално.
Социјално осигурување кај KKB (дел на работникот, ориентационо)
Пензиско осигурување
~9.3%
Здравствено осигурување
~7.3% + дополнителен придонес
Осигурување за невработеност
~1.3%
Осигурување за нега
~1.8% – 2.4%
Данок на плата
Се утврдува индивидуално
⚠️ Наведените проценти се ориентациони и можат да варираат. Работниот стаж остварен во Германија се признава согласно меѓународните договори.
работни позиции
Сектори и позиции
Угостителство и ресторани
Кафетерии и ресторани за брза храна
Чистење (Gebäudereinigung)
виза и дозволи
Виза и работна дозвола
Постапката зависи од државјанството, пасошот и траењето
Безвизен режим, до 90 дена
За државјани со соодветен безвизен режим, за KKB до 90 дена во период од 180 дена е потребна претходна работна дозвола од BA. Безвизен влез сам по себе не дава право на работа. Претходните шенгенски престои се проверуваат одделно — задолжително известете го Контекст ако сте патувале во Шенген зоната.
Визен режим или подолг престој
Се спроведува постапка со BA предодобрение и соодветна виза или дозвола за престој кај надлежното германско претставништво. Контекст ве насочува низ постапката — документација, рокови и подготовка.
документација
Потребна документација
1
Копија од пасош
Важечки пасош — скенирана копија на главната страна.
2
CV на германски или англиски јазик
Доколку немате готово CV, можете да го генерирате преку нашата апликација.
→ Генерирај CV
3
Пополнета детална апликација
По кратката апликација и разговорот со тимот, добивате линк до детална апликација. Ја пополнувате и ни ја праќате заедно со останатите документи.
Заштита на лични податоци
Сите документи и лични податоци кои ги доставувате во рамки на апликацијата се обработуваат, архивираат и уништуваат во согласност со Законот за заштита на лични податоци на Република Северна Македонија. Повеќе во
Изјавата за приватност.
процес
Како функционира?
1
Аплицираш онлајн
Пополнуваш кратка апликација на сајтот. Не трае повеќе од 2 минути.
2
Контекст те контактира
Тимот на Контекст ќе ја разгледа пријавата и ќе ве контактира за следните чекори — условите, периодот и достапните позиции.
3
Детална апликација и документи
Ако одговараш, добиваш линк до детална апликација. По пополнувањето добиваш изјава за лични податоци и договор за соработка.
4
Работодавач и одобрение
Те поврзуваме со работодавач. По прифаќање на понудата, работодавачот го бара потребното одобрение од BA; зависно од државјанството следи и виза или дозвола за престој. Времетраењето зависи од институциите и расположливиот контингент и не е гарантирано.
5
Сместување и заминување
Добиваш упатства за сместување. Патните трошоци за одење и враќање ги покрива работодавачот. Пред заминување се проверуваат договорот и одобрението.
прашања
Често поставувани прашања
Кој може да аплицира за краткорочна работа (KKB)?
За разлика од студентската програма, за KKB не е услов кандидатот да биде студент. Кандидатот треба да биде државјанин на земја надвор од ЕУ, а работодавачот да ги исполнува условите од §15d BeschV. Јазичните барања се утврдуваат според позицијата и понудата.
Може ли повторно да учествувам?
Работниот ангажман преку KKB може да трае до 8 месеци во период од 12 месеци. Повторно учество е можно ако повторно се исполнети условите и е добиено потребното одобрение. Враќањето кај ист или друг работодавач не е автоматски загарантирано.
Дали е бесплатно?
Посредувањето при вработување е бесплатно за кандидатот; надоместокот за нашата услуга го плаќа работодавачот. За ангажман преку KKB, потребните патни трошоци за доаѓање во Германија и враќање ги покрива работодавачот. Трошоците за сместување, виза и други договорени лични издатоци се наведуваат одделно во конкретната понуда.
Контекст работи според
IRIS стандардите за етичко и одговорно регрутирање — фер, транспарентна и законски усогласена постапка за секој кандидат.
Како се пресметуваат придонесите и нето платата?
KKB е вработување со социјално осигурување, па се плаќаат придонеси за пензиско, здравствено, невработеност и нега. Данокот и нето платата се утврдуваат индивидуално. Кај студентската работа ослободувањето од редовните придонеси важи само ако се исполнети условите за краткорочно вработување.
Дали работниот стаж од Германија се признава?
Работниот стаж остварен во Германија се признава согласно меѓународните договори за социјално осигурување. Придонесите уплатени во Германија можат да се земат предвид при пресметка на пензија.
До 8 месеци во 12 месеци
BIH
GER