Заштита на лични податоци

Заштитата на приватноста и доверливоста на податоците на клиентите и вработените е од најголемо значење за Приватна агенција за вработување Контекст Вработување Скопје.

1. Улогата на Контекст Вработување

ПАВ Контекст Вработување Скопје (ЕМБС 7119038, ЕДБ 4080016558115) согласно одредбите на Законот за заштита на личните податоци е Контролор — правно лице коешто ги утврдува целите и начинот на обработка на личните податоци. Овој документ ги опишува внатрешните начела на заштита; за обработката преку веб страницата важи Изјавата за приватност.

2. Основни начела

• Законитост, правичност и транспарентност — личните податоци се обработуваат согласно закон, во доволна мера и на транспарентен начин.
• Ограничување на целите — личните податоци се собираат за конкретни, јасни и легитимни цели.
• Минимален обем на податоци — се обработуваат само оние податоци кои се неопходни.
• Точност — личните податоци се точни и ажурирани.
• Ограничување на рокот на чување — личните податоци не се чуваат подолго од потребното.
• Интегритет и доверливост — личните податоци се обработуваат со соодветни технички и организациски мерки за безбедност.
• Начело на отчетност — Контекст Вработување е одговорен за усогласеноста со начелата.

3. Категории на лични податоци

Контекст Вработување може да врши обработка на следните лични податоци: назив на физичко лице, адреса, телефон; Вработување: ЕМБГ, место на раѓање, државјанство, пол, степен на образование, трансакциска сметка, е-маил; Пријави за вработување: работно искуство, јазично ниво.

4. Цели на обработка

Контекст Вработување ги обработува личните податоци за потврда на идентитетот, комуникација со клиентите, подготовка и управување со договорот, давање на услугата, следење на ризиците и исполнување на законски обврски. Контекст помага во постапката за потребните одобренија и дозволи за престој, но не ги издава — одлуката ја носи надлежниот орган.

5. Корисници на личните податоци

Контекст Вработување може да ги открие личните податоци на: работодавачите вклучени во конкретната постапка, Bundesagentur für Arbeit и германските дипломатско-конзуларни претставништва, американскиот спонзор за USA програмите, друштва за осигурување, Управата за јавни приходи, банки, Министерство за внатрешни работи, Агенција за заштита на личните податоци, нотари/адвокати и носители на јавни овластувања — согласно нивните законски овластувања.

6. Права на субјектите

• Право на информираност — да бидете информирани за обработката на вашите податоци.
• Право на пристап — да добиете потврда дали и кои ваши податоци се обработуваат.
• Право на исправка — да побарате исправка на неточни податоци.
• Право на бришење — да побарате бришење на вашите податоци.
• Право на ограничување — да побарате ограничување на обработката.
• Право на приговор — да поднесете приговор на обработката.
• Право на преносливост — да ги добиете вашите податоци во машински читлив формат.

7. Безбедност

Контекст Вработување ги презема потребните технички и организациски мерки за заштита на личните податоци. Во случај на нарушување на безбедноста, Агенцијата за заштита на лични податоци се известува во рок од 72 часа.

8. Рокови на чување

• Податоци за вработени: 45 години (согласно ЗРО)
• Дисциплински извештаи: 3 години по престанок
• Поплаки: 3 години
• Договорни податоци: 1 година по исполнување
• Согласности: 6 години или до повлекување